Орусия менен Казакстан өзөктүк тармагында кызматташууну чечти. Бул тууралуу макулдашууга бүгүн Атырау шаарында президенттер Нурсултан Назарбаев менен Владимир Путиндин катышуусунда кол коюлду.
Макулдашууга ылайык Чыгыш Казакстан облусундагы Курчатов шаарында өзөктүк электр станциясы курулат. Советтер Союзунун тушунда бул жер өзөктүк изилдөөлөр жүргүзүлгөн Семей полигонунун борбору болчу. Бул полигон 1991-жылы жабылган.
Жаңы өзөктүк станция үчүн күйүүчү-майлоочу материалдын айрым компоненттери Казакстанда өндүрүлмөй болууда. (RK)
