22-сентябрда Венада кол коюлган келишим Түштүк Африкада орус технологиясы менен атомдук электр станцияларын курууга жол ачат. "Росатом" корпорациясынын башчысы Сергей Кириенконун билдирүүсүнө караганда, келишимге ылайык 2023-жылга чейин Орусия Түштүк Африкада сегиз атомдук электр станция курат. Ошондой эле адистерди даярдоо, инфраструктура жагынан жардамын берет. Түштүк Африканын энергетика министри Тина Жоемат-Петтерсондун айтымында, бул кызматташуу Түштүк Африкада 9.6 гВтка чейин электр кубатын бере турган ядролук кубаттуулуктарды ишке киргизүүгө мүмкүнчүлүк берет. (AiT)
