Ооганстандын апелляциялык соту зордуктоо үчүн өлүм жазасына кесилген жети кишинин бешөөнүн өкүмүн күчүндө калтырып, экөөнүкүн өзгөрттү. Сот Сафиулла Султан Мухаммед менен Жамил Шах Аламдын күнөөсү толук далилденген жок, андыктан аларды өлүм жазасына тартуу туура эмес деп эсептеп, ар бирине 20 жылдан берди.
Быйыл жайында Кабулда үйлөнүү тоюнан кайтып келаткан төрт аялды жети адамдан турган топ кармап кетип зордуктаган. Жабыркагандардын бирөө кийин ооруканада көз жумган. (RK)
