“Бир дүйнө - Кыргызстан” уюму уюштурган өнөктүктүн алкагында бүгүн Жалал-Абад облусунун Арстанбап айылынын жашоочуларына адам укуктарына арналган даректүү тасмалар тартууланды. Фильмдер Юрий Исламов атындагы мектепте коюлду.
“Бир дүйнө - Кыргызстан” уюму 5-сентябрдан тарта 15 күндүк көчмө кино көрсөтүү уюштуруп, өлкөнүн алыскы аймактарындагы 24 айылды кыдыра баштаган. Фильмдер буга чейин Ысык-Көл жана Нарын облустарынын жашоочуларына сунушталды.
Ал эми фестиваль өзү 7-11-октябрь күндөрү Бишкектеги “Манас” кинотеатрында өтөт. Анда чет элдик жана улуттук тасмалар кошулуп, жыйырмадай фильм тартууланат. Фестиваль быйыл сегизинчи ирет уюштурулууда. (TSh)
