Өзгөчө кырдаалдар министринин басма сөз катчысы Абдышарип Бекиловдун “Азаттыкка” билдиришинче, 10-сентябрга караган түнү саат 12ден кийин Ош облусундагы Мырзаке-Кара-Кулжа-Алайкуу унаа жолунун 50-чакырымында 20 метр куб көлөмдөгү таш түшкөн. Жыйынтыгында унаа жолу жабылып калган. Бүгүн таңкы саат жетиде аталган аймакка техникалар жөнөтүлүп, ушул тапта жолду тазалоо иштери жүрүп жатат. Жабыркагандар болгон жок. Азырынча жол жабык.(AzK)
