Орусиянын Сибир аймагы алтын, мунай, газ жана башка кендерге бай, бирок түпкүлүктүү элдер алардын үзүрүн көрбөй келишет. Ошол эле убакта бул элдердин арасынан чыккан адистер жокко эсе болгондуктан, кемтикти четтен, анын ичинде Кыргызстандан келген мигранттар толтурушууда. Алардын айрымдары менен Орусиянын эң түндүгүндөгү Певек шаарында Жаңыл Жусупжан учурашты. Айлыгы мол кызматтарда иштеп жаткан мекендештер Чукоткадан кыргыз элин көз карандысыздык күнү менен куттуктап, ыр окуп, кыргыз күүсүн ойноп беришти.