БУУнун Коопсуздук кеңеши Ирактагы жана Сириядагы исламчыл топтордун ишмердүүлүгүнө тиешеси бар 6 адамга каршы санкция киргизүү боюнча резолюцияны бир добуштан кабыл алды. Алардын ичинде “Ислам мамлекети” тобунун маалымат катчысы, аталган топту каржылаган, курал менен камсыз кылгандар бар.Сириядагы “ал-Каида" менен байланышкан “ал-Нусра” топторуна согушкерлерди тарткандар да кошулган. Эл аралык санкциялардын тизмегине киргендерге чет жерге чыгууда чектөөлөр киргизилип, банк эсеби жабылат жана курал сатууга тыюу салынат.
