Кыргызстандын мурунку президенти Аскар Акаевдин агасы Болот Акаевдин сөөгү “Ала-Арча” көрүстөнүнө жерге берилди. Анын тажиясына туугандары, Аскар Акаев башкарган учурдагы жогорку кызматты ээлеген Осмонакун Ибраимов, Кубанычбек Жумалиев, Курманбек Осмонов сыяктуу адамдар катышты. Ал эми иниси Аскар Акаевдин келбегени дайын болду. Анын үй-бүлөсүнөн кенже уулу Илим гана жүрдү.
82 жаштагы Болот Акаев 3-августта көз жумган. Ал узак жылдар бою өлкөдөгү авиаторлордун кесиптик кошуунунун төрагасы болуп эмгектенген.(UEz/BkA)
