Студенттер менен жол кайгуулчунун талашы
Республикалык Жол кайгуул кызматынын имаратынын алдында Ош мамлекеттик университетинин 60га жакын студенти нааразылык акциясын өткөрүштү. Алар кызматтын жетекчилигинен 6-июлда Бишкек - Каракол жолундагы окуяны иликтөөнү талап кылышты. Студенттердин айтымында, аларды Ысык-Көлгө эс алууга баратканда жол кайгуул кызматкери токтотуп, айдоочудан 10 миң сом пара талап кылган. Студенттер бул окуяны териштирип, пара талап кылган кызматкерди жоопко тартууну талап кылышты. Жол кайгуул кызматы эгер инспектордун күнөөсү далилденсе жоопко тартыларын убада кылды. Алардын жүйөсү боюнча маршрутканын айдоочусу рулда мас абалында бараткан.