Түркия: шахтадагы апаат
Түркиядагы шахтанын жарылуусунан 166га жакын тоо кенчи жан таслим болгон. Бийликтердин маалымдоосуна караганда, дагы 200 киши жер астында калууда. Жарылуу Маниса провинциясынын Сома шаарындагы көмүр кенинде 13-майда болгон. Жарылуунун себеби электр зымындагы бузулуу болгону айтылууда. Түркиянын энергетика министри Танер Йылдыз жарылуу учурунда шахтада 787 кенчи болгонун маалымдады. Ал эми өкмөт башчы Режеп Тайып Эрдоган Албанияга сапарын токтотуп, кырсык болгон жерге багыт алары кабарланды.