Дешица Орусияны чагымды токтотууга чакырды

Украинанын тышкы иштер министри Андрей Дешица Москваны “Украинанын чыгыш аймактарында орусиялык атайын агенттердин чагымчыл аракеттерин токтотууга" үндөдү.

12-апрелде орусиялык кесиптеши Сергей Лавров менен сүйлөшкөн кезде Дешица андай аракеттер Женева сүйлөшүүсүн үзгүлтүккө учуратууну максат кылат деди. Украинадагы кырдаалды стабилдештирүү боюнча төрт тараптуу жолугушууну 17-апрелде Женевада өткөрүү пландалууда. Ага АКШ, Орусия, Украина жана Евробиримдиктин өкүлдөрү катышмакчы.