Ош: үй-жайы жок лөлүлөр

"Азаттыкка" Оштогу Лөлү мааледе жашап жүргөн Кария Умарова аттуу аял келип, үйү жоктугунан малканада, көчөдө жашап жүргөнүн, ага айыл өкмөтү жер бербей жатканын айтты. Анын айтымында, айыл өкмөтү ага ар кандай шылтоолор менен жер бербей келген. Учурда Кариянын үч уулунун бири гана мектепке барат. Калгандары тамга тааныбайт. Кариянын жолдошу эч жерде иштебейт. Учурда алар бирөөнүн үйүндө жашап жатат. Бирок үйдү апрель айында бошотуп берүүсү керектигин кожоюну эскертип кеткен.