11-январда кыргыз-тажик чегинде кайрадан чыр чыгып, атылган октон кыргызстандык беш чек арачы, бир милиция жана тажикстандык үч чек арачы жарадар болду. Бул окуяга азыр бүтүндөй коомчулук сарсанаа болуп турган чагы. Чек ара маселесин чечүүнүн, коңшулар менен ынтымакка келүүнүн кандай жолу бар? Чек аралаш айылдарыбыз качан өз жеринде жайбаракат, мылтыктын үнүнөн коркпой жашай алат? Бул теманы бүгүн “Ыңгайсыз суроолор” телекөрсөтүүсүндө талкуулалдык, ага вице-премьер-министр Токон Мамытов жана Жогорку Кеңештин “Ата-Журт” фракциясынын депутаты Улукбек Кочкоров катышты.