Каныбек Нарбаев кызматтан кетти

Мамлекеттик архитектура, курулуш жана турак-жай коммуналдык агенттигинин башчысы Каныбек Нарбаев өз арызы менен жумуштан бошоду. Бул тууралуу өкмөттүн басма сөз кызматынан билдиришти. Нарбаевдин жумуштан бошотулгандыгы тууралуу буйрукка өкмөт башчы Жантөрө Сатыбалдиев бүгүн кол койду.

Мамлекеттик архитектура, курулуш жана турак-жай коммуналдык агенттигинин жетекчисинин милдети буга чейин Каныбек Нарбаевдин орун басары болуп келген Турдубек Мамбетовго жүктөлдү. (SE)