Ак-Өргөдө кеңсе талаш

Бишкектеги Ак-Өргө, Ак-Ордо жана Ала-Тоо конуштарын бириктирген №-3 муниципалдык-аймактык башкармалыктын имараты талашка түштү. Жергиликтүү элдин айтымында аталган имарат мурдагы бийлик тушунда жеке компанияга жең ичинен сатылып кеткен жана алар имаратты элдин менчиги деп эсептешет. Ал эми имаратты жеке ээлигине айланткан “Инженеринг сервис” компаниясы бардыгы сот аркылуу чечилгенин айтууда. Калаа башчысы Иса Өмүркулов болсо сот мэрияга каршы чечим чыгарып жатканын жүйө кармоодо. (Улан Эгизбаев, Мирлан Токталиев)