Флешмоб: Оң же сол

Бишкекте оң рулдуу унаа менен эл ташууга тыюу салган мыйзамга каршы нааразылык акция өттү. Уюштуруучулар оң рулдуу унаа айдагандар жол эрежесин көп бузат, кырсыкка арбын катталат деген пикирлер далилденбегенин, ошонун негизинде мыйзамды кабыл алуу негизсиз болгонун айтышты. Жогорку Кеңеш 18-апрелдеги жыйынында унаа каражаттары тууралуу мыйзам долбоорду көпчүлүк добуш менен кабыл алган. Анда оң рулдуу унаалар менен эл ташууга тыюу салуу каралган. Мыйзам долбоор эми президенттин кароосуна жиберилет. (Мирлан Токталиев)