Жогорку Кеңеш башкы прокурордун отчетун угат

Бүгүн парламенттин жыйынында башкы прокурор Аида Салянова былтыркы жасалган иштер тууралуу маалымат берет. Бул жөнүндө Жогорку Кеңештин маалымат кызматы кабарлады.

Салянова жакында эле коомдук телеканалдагы маегинде коррупция менен күрөштө жылыш бар деп билдирген. Ага ылайык, прокуратура былтыр коррупция боюнча миңден ашык кылмыш ишин козгогон. Текшерүүнүн жүрүшүндө мунун айынан өлкө казынасы 1 миллиард сомдон ашык зыян тартканы аныкталган. (EBM)