Сот соңуна чыгайын деп калды
Бийликти басып алууга аракет кылган деп айыпталып жаткан “Ата Журт” фракциясынын депутаттары Камчыбек Ташиев, Садыр Жапаров жана Талант Мамытовдун соту соңуна чыкканы калды. Кечээ мамлекеттик айыптоочу тарап депутаттардын күнөөсү далилденгенин белгилеп, аларды 9 жылдан 10 жылга чейин эркинен ажыратууну соттон сураган. 3-октябрдагы Бишкектеги нааразылык акциясында модератор болгон коомдук ишмер Кубат Кожоналиевди болсо сегиз жылга, Ташиевдин жан сакчыларын 3-4 жылга кесүүнү өтүнгөн. Айыпталуучулар өздөрүн күнөөсүзбүз деп эсептеп, бийликтин куугунтугуна кабылдык деген ойдо. (Жанар Акаев, Мирлан Токталиев)
