Чүй милициясында иштеген эки кызматкер маңзат сатып жаткан жеринен кармалды деп Маңзат көзөмөл кызматы билдирүү таратты. 3-мартта Бишкекте 4 килограммдан ашуун героин менен үч киши кармалган. Алардын бири Тажикстанда туулган жаран, бирөө Чүй милициясынын маңзаттын мыйзамсыз жүгүртүлүшүнө каршы күрөш бөлүмүнүн жана дагы бирөө ошол эле башкармалыктын ыкчам тобунун кызматкери экени аныкталды. Үчөө тең азыр убактылуу кармоочу жайда жатат. Ыкчам тергөө иштери жүрүүдө. (RK)
