Кыргыз өкмөтү Орусия, Беларус жана Казакстан түзгөн Бажы биримдигине 2014-жылы толугу менен кирүүнү мерчемдеп жатат. Бул тууралуу Экономика министри Темир Сариев кечээ Жогорку Кеңештин бюджет жана каржы комитетинин жыйынында билдирди. Анын айтымында, азыр Бирдиктүү экономикалык аймакка кошулуу боюнча коллегия түзүлүп, атайын жол картасы иштелип чыгууда. Өкмөттүн 2013-жылы уюмга мүчө өлкөлөр менен баардык маселелерди талкуулап, 2014-жылы биримдиктин мүчөсү болуу тууралуу планы бар. (KKs)
