Адам укугун коргоочу Human Rights Watch уюму Ливияда өткөн жылы президент Муаммар Каддафинин режимине каршы чыккан козголоңчуларды массалык адам өлтүргөн деп айыптады. Уюмдун “Диктатордун өлүмү: Сирт шаарындагы кандуу жай” деп аталган докладында былтыр президент Каддафи менен чогуу анын 66 жактоочусу да жок кылынганы күбөлөрдүн сүрөт, видеолору менен далилденген. Human Rights Watch колго түшкөн туткундарды массалык кырып салуу эл аралык укук боюнча аскерий кылмыш деп эсептелээрин белгиледи.
