Кыргыз өкмөтү 2022-жылга чейин мамлекеттик чек араны комплекстүү башкаруунун стратегиясын бекитти. Бул тууралуу токтомго премьер-министр Өмүрбек Бабанов кол койгонун өкмөттүн басма сөз кызматы билдирүүдө. Стратегия жакынкы келечекте чек ара коопсуздугун көзөмөлдөөнүн багыттарын аныктайт. Чек арадагы ачыктыкты камсыз кылып, соода-экономикалык мамилелелер менен туризмди жакшыртууну, болжолдуу коркунучтарга каршы турууну максат кылат. Документти кабыл алууда улуттук кызыкчылык, мамлекеттин тышкы жана ички саясаты эске алынды. (KKs)
