Өзгөчө кырдаалдар министрлигинин маалымат катчысы Абдишарип Бекиловдун “Азаттыкка” кабарлашынча, 19-февралда түнкү саат 3:20 чамасында Ош облусуна караштуу Алай районунун Сөгөндү айылында үстү шыйпыр менен жабылган жыгач устундуу сарай өрттөнгөн. Өрттүн кесепетинен 1 баш музоо жана 20 баш жандык күйүп кеткен. Өрт таңкы саат 6:30га жакын өчүрүлгөн. Маалыматта өрткө үй ээсинин II топтогу майып баласы тиешелүү экени айтылган. (КЕ)
