Талибдердин кол башчысы Молдо Омардын өлгөндүгү тууралуу маалыматты талиб өкүлдөрү төгүндөштү. Алардын бири Забиулла Мужахид (Zabiullah Mujahid) бул маалымат үчүн АКШ чалгындоо кызматын айыптап, мобилдик байланыштагы каттын мазмунун бузгандардан өч аларын билдирди. Молдо Омардын өлгөндүгү тууралуу маалымат басма сөзгө дал ушул Забиулла Мужахиддин атынан мобилдик телефон аркылуу жазылган каттын негизинде таратылган.
