Дүйнөлүк банктын маалыматы боюнча, былтыр июндан бери азык-түлүктүн баасынын кымбаттоосуна байланыштуу өнүгүп бараткан өлкөлөрдө 44 миллион адам жакыр болгон. Бул көрүнүштү Дүйнөлүк банктын төрагасы Роберт Зеллик 15-февралда “өтө кооптуу” деп мүнөздөдү. Азыр азык-түлүктүн баасы 2008-жылкы деңгээлге чукулдап барат. Зеллик береги маалымат Өнөр жайы өнүккөн 20 өлкөнүн финансы министрлери менен Борбордук банктарынын төрагаларынын 19-февралда Парижде болчу саммитин утурлай жарыяланганын баса эскертти.
