Иранда бомба жардыруусунан белгилүү ядролук окумуштуу набыт болуп, дагы бирөө жарадар болду. Жергиликтүү маалымат каражаттары кабарлаганына караганда, бомбалар алардын унааларына орнотулган. Мажид Шахриари Тегерандын атомдук инженерия бөлүмүнүн кызматкери болчу. Ал эми физик Ферейдун Аббаси менен кошо анын жубайы да жарадар болду. Мамлекеттик Фарс жана ИСНА агенттиктери кол салуунун артында Кошмо Штаттары менен Израилдин атайын кызматтары турат деп айыпташты.
