Пакистандын Карачи шаарында катуу жардыруудан аз дегенде 15 киши өлдү, полициянын имараты талкаланды. Полициянын маалыматына караганда, жардыруу кылмыш иштерин тергөө бөлүмүнүн баш кеңсесинде болгон. Кеңсе шаардын жакшы кайтарылган бөлүгүндө, АКШ консулдугунан жана өкмөттүк мекемелерден алыс эмес жерде орун алган. Пакистан АКШ менен кызматташкан өкмөттү төңкөрүүнү көздөгөн исламчыл согушкерлерге каршы күрөшүп келатат. Жардыруу үчүн жоопкерчиликти талиптер өзүнө алышты.
