Иран БУУнун аялдардын укуктары боюнча жаңы агенттигинин аткаруучу кеңешине кирбей калды. Ирандын талапкерлигинин көрсөтүлүшү укук коргоочулардын жана Батыш өлклөрүнүн нааразылыгын жаратты. Ирандагы адам укуктарынын, өзгөчө аялдар укуктарынын абалы көп сындалып келет. Сауд Арабия да сынга кабылганы менен, кеңеште оорунга ээ болду. Жаңы түзүлгөн мекемени Чилинин мурдагы президенти Мишел Башле жетектейт.
