Добуш берүүдөн кийинки сурамжылоонун жыйынтыктарына караганда, президент Илхом Алиевдин “Жаңы Азербайжан” партиясы парламентте кеминде 69 орун жеңди. Бул – көпчүлүк түзүү үчүн жетиштүү. Жергиликтүү жана эл аралык байкоочулар Азербайжан бийлиги оппозициянын апазын басууда, массалык маалымат каражаттары аркылуу каяша билдирүүгө аракеттенгендерди куугунтуктоодо деп сындап келишти. Оппозициядагы “Элдик майдан” тобунун лидери Али Керимли добуш бергенден кийин шайлоо массалык бурмалоолор менен коштолот деп күтсө болоорун билдирген. Парламенттеги 125 мандат үчүн 690дой талапкер ат салышты. Шайлоого добуш берүүчүлөрдүн 50,14 проценти катышканы кабарланууда.
