Медведев Бердимухаммедовдун чакыруусу менен Ашхабадга келет

Россия президенти Дмитрий Медведев 21-октябрда Түркмөнстанга эки күндүк сапарга барат. Ашхабаддагы сүйлөшүүлөрдө газ сатып алуу маселеси талкууланат деп күтүлүүдө. Түркмөнстан газдын кору боюнча дүйнөдө төртүнчү орунда турат жана акыркы учурда Россияга байланбай, башка да кардарларды издөөдө.

Медведев Ашхабадда былтыр декабрда акыркы ирет болгон.