Тикучма Кыргызстан менен чек арага жакын тоолуу Рашт аймагында кулаган. Анын ичиндеги Улуттук коопсуздук кызматынын 22 кызматкери жана учкучтар командасынын төрт мүчөсү мерт болду. Тикучма Улуттук гвардияга тийешелүү болгон. Гвардиянын маалымат катчысы Содик Шехов "Азаттыкка" кыйроо техникалык себептен болду деп болжолдонуп жаткандыгын билдирди. Ал төрт киши ооруканага жаткырылганын кошумчалады. Бул ушул айда Раштта бул экинчи жолу тикучманын кыйрашы болду.
