Улуттук коопсуздук боюнча мамлекеттик кызматтын (УКМК) маалымдашынча, иликтөөнүн жүрүшүндө Урмат Барыктабасов баш болгон 14 адамга айып тагылды. Бир адамга издөө жарыяланды. Кармалгандар бийликти күчтөп басып алууга аракет жасаган, мыйзамсыз ок атуучу курал алып жүргөн, бийлик өкүлдөрүнө кол көтөргөн деп айыпталып жатат. “Мекен Туу” партиясынын лидери 5-августта кармалган. Акыйкатчы Турсунбек Акун У. Барыктабасовдун айрым камактагы тарапкерлери катуу сабалган деп билдирген болчу. УКМК мындай дооматты четке кагып келет. (EBM)
