Атом энергиясы боюнча эл аралык агенттиктин директорлор кеңеши Жакынкы Чыгыш жана Түштүк-Чыгыш Азия өлкөлөрүнүн сунушун колдоп, төрагалык нөөмөттү Исламабадга бергенге макул болду. Пакистан массалык апаат куралдарын таркатпоо тууралуу эл аралык келишимге катышпайт, бирок анын атом куралы бар. Мындан тышкары Батыш өлкөлөрү пакистандык бир катар илимпоздорду жашыруун түрдө Иранга жана Түндүк Кореяга атомдук технологияларды берген деп эсептеп жүрүшөт.
