Президент кадыр-барктуу аксакалдар менен жолугушат

Президент Роза Отунбаева эртең Ала-Арча мамлекеттик резиденциясында өлкөнүн кадыр-барктуу аксакалдары менен жолугушмакчы. Бул тууралуу президенттин маалымат кызматы билдирет.

Мурда мамлекеттик кызматтарда иштеген, эл оозуна алынган кадыр-барктуу аксакалардар өлкөнүн бардык региондорунан келишет. Президент алар менен өлкөдөгү кырдаалды талкуулап, аксакалдардын кырдаалды турукташтырууга жана алдыдагы парламенттик шайлоонун тынч өтүшүнө көмөк кылууга үндөмөкчү. (IJz)