Бүгүн Президент Роза Отунбаева Ички иштер министрлигинин жамаатына жаңы министр болуп дайындалган Кубатбек Байболовду тааныштырды. Болот Шер өз ыктыяры менен министр кызматынан кетти. Болот Шер өзүнүн кызматын өткөрүп берип жатканы жөнүндө билдирүү жасап, бул кызматка 8-апрелге караган түнү өлкөдө Бакиевдин бийлиги кулап, кан төгүлүп, талап-тоноо болуп жаткан оор учурда келип, жоопкерчиликти мойнуна алып иштегенин, анын министр болуп иштегенин партиялык кызыкчылык менен байланыштыруу орунсуз экенин белгиледи. (КС)
