Бүгүн Бишкектеги Жусуп Баласагын атындагы Улуттук университетинде апрель окуяларынын себептерине жана сабактарына арналган эл аралык илимий конференция өтөт. Конференцияга АКШ, Түркия, Франция, Өзбекстандан келген саясат таануучулар, эксперттер катышат. Конференция соңунда Кыргызстанды кризистик абалдан чыгаруунун жолдору талкууланмакчы. Аталган иш чаранын уюштуруу комитети билдиргендей, мындай конференциянын зарылчылыгы - Кыргызстандын мамлекеттүүлүгүнө туулуп аткан коркунучтар жана жалпы эле Борбор Азиядагы кырдаалдын туруктуулугуна байланыштуу келип чыгууда. (IJz)
