Ош облусунун комендантынын орун басарлары дайындалды

Убактылуу өкмөттүн кечээги Декретине ылайык Ош облусунун коменданты, милициянын генерал-майору Бакытбек Алымбековдун орун басарлыгына Ош шаары боюнча милициянын полковниги Курсан Асанов, атуулдардын коопсуздугу жана тургундардан куралдарды жыйноо боюнча генерал-майор Замир Молдошев, улуттар аралык элдештирүү маселеси боюнча Бахтияр Фаттахов дайындалды.
Ош облусунун Ички иштер башкармалыгынын жетекчиси Өмүрбек Субаналиев ишемби күнү өз каалоосу менен кызматтан кетти. Анын ордуна Болот Абакиров дайындалды. (AJ)