Украин бийлиги экс-премьер-министр Юлия Тимошенокнун өкмөтүн 290 миллионго жакын долларды натуура сарптады деп, кылмыш ишин ачты. Башпрокурорлуктун маалымдашынча, Киото протоколуна ылайык, 2009-жылы атмосферага өндүрүштүк газдарды бөлүүнүн квотасын сатуудан түшкөн акчаны өкмөт жана финансы министрлиги максатсыз пайдаланып жиберген. Шаршемби күнү өкмөт жыйынында премьер-министр Николай Азаров Тимошенокнун өкмөтүн бюджеттик каражаттарды туура эмес пайдаланган деп күнөөлөдү. Тимошенко ошол замат айыптоону жалаа деп, четке какты.
