"Кыргызстандын аймагында башаламандык болуп жатыптыр, атышуу болуптур, Бишкектин көчөлөрүндө автоунаа менен баратып атып кетип жатышыптыр" деген ар кандай айың кептерди чыгарган чагымчылардын сөзүнө ишенбөө зарыл.
Бул тууралуу Ички иштер министрлигинин басма сөз кызматынын жетекчисинин милдетин аткаруучу Рахматулло Ахмедов “Азаттыкка” билдирди.
Анын айтымында, кечээ Ош базарында атышуу болду деген маалымат чындыкка коошпойт.
"Учурда Бишкек шаарынын жана башка республиканын аймагында кырдаал жөнгө салынып, тартип коргоо органдары коомдук тартипти сактап өз милдеттерин аткарышууда", - дейт Р.Ахмедов. (AJ)
