Мындай пикирин көз карандысыз “Дин, укук жана саясат” аналитакалык борборунун жетекчиси Кадыр Маликов бүгүн маалымат жыйында билдирди. Анын айтымында, өлкөдө деструктивдүү күчтөрдүн таасири дале болсо жогору. Ал өлкөдөгү убактылуу бийликтин орун бөлүштүрүүсү, кылмыш топтордун түрдүү иштерди уюштуруп жатышы, талап-тоноолордун болушунан сырткары коомчулукка тополоңду уюштуруп, тынч жарандарга ок чыгарууга аракет кылган топтордун бар болушу ыктымалдыгын белгиледи. Ал ошондой эле өлкөгө стабилдүүлүк алып келүү - бардык адамдардын, анын ичинен динге ишенген жарандардын да милдети экенин айтты. (КЕ)
