Турсунбек Акун: 7-февраль Кыргызстанда адам укугунун күнү болсун

“Саясий ачкачылык кармап жатып каза тапкан Шералы Назаркуловдун өлгөн күнүн –адам укугунун күнү деп атоого толук негиз бар,” деп эсептейт Акыйкатчы. Ал ошондой эле саясий курмандык болгон Ш. Назаркуловдун атын Бишкектин бир көчөсүнө берүү демилгесин да көтөрүп чыкты. Акыйкатчынын айтуусунда бул демилгелерди парламентке сунуштоо керек.
Шералы Назаркулов 2002-жылы Үзөңгү-Кууштун Кытайга берилишине каршылыгын көрсөтүп, 21 күн ачкачылык кармап жатып, 22-күнү 7-февралда каза болгон.(ZKo)