Петровка окуясы боюнча камакта отургандардын экөө ачкачылык акциясын улантууда. “Азаттыктын” аймактагы кабарчысынын маалыматына караганда Петровка окуясын уюштуруучулар деп шектелгендердин катарында камалышкан эрди-аял Элвира Маматханова менен Князь Куляшов акцияны 22-январда башташкан. Акцияга чыккандар 21-январда күч бийлигине кайрылуу жолдоп, анда күнөөсү жоктугуна байланыштуу баш коргоо чарасын өзгөртүүнү суранышкан. Суранычты энесинин, бир тууганын өлүп, жашы жете элек жээни жана үй-жайы кароосуз калгандыгы менен негиздешкен. Сураныч аткарылмайынча акцияны токтотпой тургандыгын айтышууда. Аталган үй-бүлө былтыр жазда Петровка жаңжалын уюштурду деп күнөөлөнүп, апрель айынан бери камакта отурат. Уюштуруучулардын катарында камакта укук коргоочулар Улан Рыскулов, Сапар Аргынбаев, саясатчы Эркин Бөлөкбаев да бар. (BuS)
