“Жашылдар” партиясынын кеңсесинин билдиришинче сот отуруму бул аптада үч ирет болору күтүлүүдө. Жараян качан аяктары бейдарек бойдон турат. Петровка жаңжалын уюштурду деген негиз менен айыпталып камакта отургандардын экөө - жубайлар Маматканова Элвира менен Князь Каляшов мөөнөтсүз ачкачылык акциясын жарыялагандыгын жума күнү маалымдашкан. Башкалардын катарында бул эки жаранга да окуяны курчуткан, куралдан ок аткан деген айып тагылууда. Былтыртан бери айыпталуучулардын катарында "Жашылдардын" лидери Эркин Бөлөкбаев баштаган үч укук коргоочу камакта отурушат. (BuS)
