Учурда абакта олтурган мурдагы коргоо министри Исмаил Исаков кечээ тарапкерлеринен ачкачылыкты токтотууну суранган эле.Бирок генералдын Алайдагы жердештери бул өтүнүчтү четке кагып, акцияны улантышууда. Дарыгерлер Сопу-Коргондо ачкачылык кармагандардын саламатчылыгы коркунучта экендигин айтышууда. Ал эми жергиликтүү калк адам укугу тебеленип жаткан аймактан кабар албагандыгы үчүн эл аралык абройлуу уюмдарды кескин сынга алышты. Бирок Европадагы коопсуздук жана кызматташтык уюмунун (ЕККУнун) Бишкектеги кеңсеси мындай пикирге кошулбастыгын билдирди. (АТо)
