Африка кубогун ачып жатып, Анголанын президенти Жозе Эдуарду душ Сантуш тоголук футболчуларга кол салууну айыптады. "Биз бул карасанатайлыкты айыптайбыз, бирок Кабиндада мелдеш улана берет" деди президент. 10-январда эртең менен Тогонун капитаны Эмануэл Адебайор анын командасы өкмөттүн кеңеши менен мекенине кайтаарын билдирген. Анын алдында, 8-январда Анголанын Кабинда аймагында козголоңчулар Тогонун улуттук командасы бараткан автобустарды аткылап, 3 киши набыт кеткен.
