“Замандаш-пресс” агенттигинин Интернет-сайтындагы добуш берүүнүн жыйынтыгын эске алуу менен жана журналдын Эксперттик кеңешинин чечиминин негизинде “Замандаш” журналы 2009-жылдын “Мыктыларын” аныктады. “Улуттун күзгүсү” наамына Турдакун Усубалиев, “Мыкты мамлекеттик ишмерге” шаар башчы Нариман Түлеев, “Жылдын өнөр табылгасына” “Азаттыктын” кызматкери Шайлообек Дүйшеев жана башка он беш номинация боюнча жылдын мыктылары татыктуу болушту. Ал эми “Жылдын министрине” Ички иштер министри Молдомуса Конгантиев, “Жылдын телевидениесине” ЭлТР компаниясы татыктуу болушту. (AJ)
