Апрель айындагы Петровка айылындагы окуяга байланыштуу соттук жараян бүгүн улана баштады. Бул тууралуу “Азаттыктын” кабарчысы Жазгүл Жамангулова кабарлады. Бүгүнкү соттук териштирүүдө жергиликтүү бийлик жана милиция кызматкерлери көрсөтмө бермекчи. Белгилүү болгондой Петровка айылындагы массалык баш-аламандыкка байланыштуу “Жашылдар” партиясынын лидери Эркин Бүлекбаев, Сапар Аргымбаев, Уран рыскуловдор айыпталып жатат. Оппозиция өкүлдөрү бул сотту саясий себеби бар экенин билдирип келатат. (AiT)
