Майрам Кремлди колдогон жаштар уюмунун жана экстремисттик улутчул топтордун демонстрациялары менен өтүп жатат. Орусиянын мурдагы президенти Владимир Путин 2005-жылы 7-ноябрдагы Октябрь революциясынын күнүнүн оордуна 4-ноябрды Улуттук биримдик майрамы менен жарыялаган. Ал жылы улутчул жаштардын тобу кийин укук коргоочулар тарабынан экстремисттик, фашисттик деп айыпталган “орус маршын” өткөрүшкөн. Быйыл да бийликтер Мыйзамсыз миграцияга каршы кыймылына “орус маршын” өткөрүүгө уруксат беришти. Ага улай Москвада адам укугун коргоочулардын “Орустар фашизмге каршы” аттуу митинги да өттү.
