Каржы министрлигинин бүгүнкү маалымдоосуна караганда, быйылкы жылдын тогуз айында өлкөнүн ИДПсы Кумтөрдү кошпогондо 3.6% өстү, Кумтөр менен 2.9% өскөн. Анын ичинде айыл-чарбасы 5%, тейлөө тармагы 4.2%, курулуш 30.3%га өскөн. Ал эми өнөр жайы 11.5% төмөндөгөн. Өлкөнүн тышкы соодасынын көлөмү 2 миллиард 643 миллион долларга жетип, анын ичинен импорт 1 миллиард 854 миллион, экспорт 789 миллион доллар болгон. Натыйжада тышкы соодада тескери сальдо 1 миллиард 64 миллион долларды түзгөн.(AiT)
