Британияда парламент мүчөлөрүнүн үйлөрүн тазалап, бакчаларын караганга эле кошумча толтура каражат кетип жатканын көз-карандысыз аудиторлор эсептеп, эми аны кыскартуу зарылдыгын билдиришкен. Алар акыркы беш жылда кетирилген каражатты эсептешкен эле. Депутаттарга ашыкча коротулган акчаны кайтарып берүү сунушу айтылган каттар түштү. Өлкөнүн премьер-министри Гордон Браун, мисалы, 19 миң доллардай акчаны кайтарып берээрин айтып, башка депутаттарды да милдетти аткарууга чакырды. “Тезирээк тартипти орнотуп, элдин бизге болгон ишенимин кайра кайтарып алышыбыз керек”, - деп айтты Браун.
